Saturday, July 30, 2011




حاجه غريبة بقت بتكرر معايا كل يوم, بعد الشغل وانا مروحه ببقى نفسي اقابل اي حد اعارفه اي حد, اتكلم معاه مرة وحده وبس, ويمكن ده اللي خلاني بركب مترو الأنفاق كل يوم واعد كل يوم ادور في الوشوش على ناس عارفهم, وفي الأغلب مش بلاقي, بقيت شبة الراجل العجوز اللي كنت بشوفة في البنك كل ما مبروح راجل عجوز بيعد يتصاحب على الناس ويتكلم معاهم , مرة وحده حسيت نفسي متعاطفة مع الراجل ده, يمكن علشان بعدي بنفس الحاله, بفرح قوي لما بتكلم مع حد شوية صغيرين اتكلم في اي حاجه كلام بلا هدف, اتكلم وانا عارفة اننا كمان كام محطة مش هنعرف بعض تاني ومش هنتقابل, بدور طول الوقت على انصاف اشياء تخليني اقدر اكمل الحاجات الكاملة اللي في الأغلب مش بتكمل

Sunday, December 26, 2010

..


وكما الدمع
ما يسقط من عين القلب لا يُسترد

Thursday, October 7, 2010

كواكب ونجوم وفلك:)


أحيانًا يقود التشابه إلى الحب ، أحيانًا يقود التنافر إليه ، الشخصيات الحنونة تحب أشباهها ، وتلك التي تفقد توازنها كثيرًا أثناء الحياة تحب أضدادها ، دائمًا . "
محمد حسن علوان

Monday, October 4, 2010

تحقق


طول عمري مؤمنة ب قوانين العقل الواعى ولا واعي وو
يمكن علشان ايماني ب الحاجات ديه كان وليد إيماني ب مرحلة كانت مؤثرة في حياتي وبشخص بعترف دلوقتي انه كان من توائم الروح إلى حط جوايا حاجات جميلة اوي غيرت حياتي وحط برضة شوية وجع دواه الزمن
المهم أنا بكتب كل ده ليه علشان أتكلم عن" دكتورة سحر الموجي
الست ديه اول مرة قريت ليها كان كتاب الهة صغيرة
مش عارفة لية حستها بتكتبي عني أنا بكل تفاصيلي محارة الروح, التحقق, البحث عن الذات, الإنكسار والإكتمال, حالات كتير اوي
عشتها معاها لدرجه خلتني مع كل كتاب ليها بكتب كلام وحواديت قصص ناس وابطال
وكل مرة كان بيكون عندي قناعة اني هشوفها وهكلمها
يمكن ايماني بدة خلاني اشوفها واتكلم معاها والغريب اني اكون سبب انها تكتب عني وعن صحابي مقال في المصري اليوم
:)
الحب مش محتاج كلام كتير الحب بيتحس
دينا وبسمة وياسمين
مقال عننا وعنكم
اضغط