لمساعدة الطفلة هند وأسرتها علي بدء حياة جديدة بعيدة عن مكان حادث الاغتصاب الذي تعرضت له, وأسفر
عن إنجاب الطفلة منة الله قررت محافظة القليوبية منح الأسرة شقة جديدة في إحدي مدن المحافظة
ونقل هند إلي مدرسة مجاورة لمكان سكنها الجديد
ادوهم شقه علشان يعوضها
هيعوضهم عن ايه؟
شوفو نظره عنين هند هيه وممتها
ايه الزحمه ديه كلها
خدو الشقه علشان ميتكلموش ده مش كلامي ده كلام المحافظ
الي دعى كل وسائل الاعلام والمنظمات الدوليه لترك هند علشان تعرف تستقر في الشقه الجديده
الي المحافظه ادتهالها
والغريب انها بقسط 80 جنيه
ايه الكرم ده
طيب الناس هتسكت وهتسبهم في حالهم صحيح
لا طبعا احنا شعب غاوي خطب بكره هنشوف كام مظاهره ادام النقابه تدعو الي جلد المجرم في ميدان عام
صحيح هو فين المجرم؟
مش خرج
حتى لو مكنش خرج ايه الي هيحصل هيتجوزها ديه عندها 11 سنه
هيوصم الطفله باسمه
مش كفايا الناس هيوصموها لما تكبر
سكون باباه هند فكرني
باميراه الي ماتت من ضربه شمس
وطلع باباه بنفس السكون يحتسبها عن ربنا مش عايز حاجه ده قدرها
ربنا ريدها تموت بضربه شمس في تشريفه ايه ياعني
النهرد بس مزعلتش على زينب موجعتنيش قصه موتها زي زمان
النهرده فهمت ليه باباه قتلها
ووقف يعترف ادام الناس بمنتهى الثيات
قتل بنته الي عندها 4 سنين
علشان بيحبها خايف عليها
عايز يحميها
من فقره
من فقره
عنده حق
جهل وفقر وخوف
الي عايش فيه ميدلوش اي ضمان لامستقبل مختلف
طيب المفروض يعملو ايه
يتحولو لقطط يكلو ولدهم
يقتلوهم زي زينب
ولايخدوهم ويبعدو من هنا
26 comments:
اعتذر عن التحليق خارج السرب
لكنني أريد رأيكم للأهمية في آخر موضوع لي
بعنوان
شكــر وإعتــذار
تحياتي
عزيزتى
محض روح
اول شئ منفذتيش وعدك ورديتى على موضوع وسبتى اللى قبله
اما موضوع الطفله دى مع انه شئ قاسى ومالم بس عادى لان فيه اللى اكتر من كده فى العالم وفى مصر بيحصل كده كتير
بس الموضوع ده ظهر وعمل ضجه علشان الحمل
انا شايف المشكله دلوقتى اننا لازم نعرف ليه الطفله لما بيحصلها كده مش بتقول لاهلها وتعترف وده ساعات بيحصل من اقرب الناس ليها
لازم يكون ده موضوع المناقشات علشان اللى محصلهمش كده
ونسيب مشكله هند للقضاء واهلها لان اللى حصل مش هيتغير
سلام
بالنسبة لوضوع زينب اعتقد انه مذكور صراحة في القران
ولا تقتلوا اولادكم خشية املاق
يعني مهما كان عذره فمش مقبول
حتي لو كان خايف عليها من الفقر زي مبيقول
موضوع البنت اللي عندها 11 سنة ده محتاج وقفة جامدة
دي طفلة
قاصر
اعتدي عليها مختل عقليا
مهو اكيد مختل
لانها طفلة
يبقي الموضوع ميتعالجش بشقة قسطها 80 جنيه والواد يخرج وكل سنة وانتو طيبين ونبقي زي الفل
منتهي الاهمال
كل حاجة في مصر بتغلي بس للاسف البني ادم هو اللي بيرخص
بقي قسطه 80 جنيه في الشهر
شكلها باظت يامحض
أما توصل لحد الأطفال يبقي شكلها باظت من كله ماهو البلد دي ميزتها ان مفيش جاني ولو دورتي علي اللي عمل فيها كده هتلاقيه مسكين انه طلع كده ايشي تربية غلط علي ظروف خلته يتطرف نفسيا متقدريش تجلديه برضه الكل مساكين والكل تعبان والسبب انها بايظة ومبوظة اللي فيها
لكن هنقول ايه
القصاص كما علقت فى كل المدونات التى تطرقت للموضوع
وكفانا حديث عن الظروف الاجتماعية التى ادت الى ارتكاب الجريمة
تصدقى واحد بيلتمسوا له العذر انه قتل مثلا علشان سكران
دة اسمه كلام
والتانى اغتصب اصلة مش لاقى يتجوز
طول ما النغمة دى فى الودان لا تتنظرى ردع لاى عقوبة
حسبنا الله ونعم الوكيل
خليك فى البيت يوم 23 يوليو لمعرفة التفاصيل أدخل مدونة خليك فى البيت
عارفة ايه مشكلتنا
إن احنا دايما ساكتين
السلبية بقت شهادة تميز مستسلمين ليها
المشكلة مش في حكومة ولا نظام ولا إن المجرم ياخد عقابه ولا لأ
لأن ده أصلا نتيجة لأشياء كتير مجتمعة سببها إحنا
مافيش نظام واقع إلا إذا كان بسبب الأطراف اللي يشملها
المجرم ماكنش هيعمل كده اصلا لو فيه خوف جوانا على بعض كأخوة في بلد واحدة
ولو كان كل واحد يشوف أي معاكسة لبنت او مضايقة لبنت وياخد موقف ويساعدها لأنه ميرضهاش لأخته
ماكنش حد يفكر يأذي بنوتة في العمر ده
أما التعويض فلا تعليق غير إن احنا اعتراضنا ولا ؟؟؟؟؟
بس أعتقد كلام الناس ونظراتهم اللي احنا جزء منهم للبنت وهيا رايحة وجاية هيكون أوجع من خروج المجرم بعد كام سنة من السجن
يعني هيا سلسلة أخطاء إحنا سببها
شكرا يادينا
واتمنى بجد نتغير
يااااااااااااه
صحيح هيعمل ايه
كان لازم يعمل كدة
لانه باختصار عارف من جواه انه مش هيقدر يحميها
ومين يقدر يحمي نفسه
احنا بقي تمنا رخيص اوي يا حاجة
عارفه يا دينا
انا قرفت من الدنيا كلها لما شوفت الحاله دي
عارفه كرهت نفسي والله
مش ممكن الانحطاط والظلم يوصلو للدرجه دي ابدا
حاجه بجد تقرف والله
وبعدين احنا ايه الي هيكون عندنا متصلح
اشمعني دي يعني الي هتتعدل قوليلي كدا؟
عندنا حكومه عدله ان شاء الله تاخد حقوق الناس
لا سمح الله لا طبعا
امال زعلانين علي اييه بس
ربنا يهدهم ان شاء الله يا بنتي ويخلصنا علي خير
بعتذر عن تاخري عليكي يا جميله معل
الشغل والله
تحياتي
مش لاقي كلام اقوله
ياااااااااااااه
الله عليك
عارفة وجعتيلي قلبي
بس خليتيني افكر بطريقة غريبة وجديدة
موضوع تشبيهك للقطط هايل جدا
بس قاسي جدا
انا الي اعرفو ان كل واد يخلق في الدنيا رزق بيجي معا
ثانيا الله يكون بعون هند ومامتها وربنا يقويها بجد
وثالثا حسبي الله ونعم الوكيل
والحمد الله في آخرة كل واحد ظالم في الدنيا حيلاقي عقاب الي بيستاهلو في الاخرة
حكاية هند فتحت عليا مواجع كتير
انا فكرت فيها ياما
للاسف لا شئ سيداوى الم هند العظيم او يحميها هى وابنتها من الضيق والاختناق فى المستقبل
هند وبنتها مأساة بلا حل
وربما المنا اكبر
وكأن الله يعاقبنا لننظر من جديد الى بناتنا الصغيرات
صاحب البوابــة
لست في حاجه الي الإعتذر
Hosam
اهلا بيك يافندم
التعليق مش عارفه اعلق على الموضع ده بالذات
كل مابدخل مابعرفش اقول فيه ايه
وبخصوص هند
المشكله في ايه ياحسام ان ده بيحصل كتير ومن كتر ماهو كتر خلاص اتعودنا
تخيل يتحول الألم لتعود
فعلا كتير بيحصل انتهكات حتى من محيط العائله
ومشكله ان البنت مش بتتكلم بيكون يخوف
احنا ديما بندين البنت ابل كل شئ
لدرجه خلى فيه اعتقاد راسخ عند كل البنات انهم متهضين من المهد للحد
وكمان تباعد لغه الحوار بين البنت وممتها عمل مشاكل كتير
ربنا يرحمنا برحمته
تحياتي
أحمد عيسي
زينب
عارف كتير بنكون مؤمنين اوي
لكن الضغط بيولد كفر بكل القنعات
وصدقني لو كنت سمعته وهو بيتكلم كنت هتحس معنى ان اب يقتل بنته الوحيده علشان بيحبها
ايه الي يوصلو اب للدرجه
لو بحكم من منطلق الي انا عايشه فيه هشوفها غير مبرره
الرزق والحياه بامر ربنا
وهقول نفس كلامك
وهند مشكلتها كبيره مش مجرد طفله بقت ام وعندا 11 سنه
المشكله مشكله فئه كامله
من المجتمع بقت معرضة
للنتهاك
في اي لحظه
وزي ما قضيه هند
اتحلت بشقه
هيحلو مشكله الي بعدها وبعدها
احنا رخصنا اوي
دكتور مستكنيص
شوفت يامستكنيس
هيه فعلا باظت
هنعمل
ربنا يرحمنا برحمته
الطائر الحزين
مالمشكله اننا ديما عندنا شنطه اعذار
الي يحول شخص مفروض ان بشر مش حيوان للمرحله ديه مش ضغط
ديه تربيه غلط ومجتمع بينهار
وصل الناس انها تقتل ولدهم من كتر الخوف
عليهم
خليك فى البيت
اهروح حالا
نهى جمـال
تعرفي يانهى انا مع كلامك جدا
مفيش حاجه بتجمعنا كبشر عايشن في مجتمع واحد
ولا ارض ولا سما ولا عادات
كل واحد عايش في جزيره منعزله
كلنا بنتفرج
بنستنكر
و
بنسكت
وهند ربنا يصبرها على نظرات مجتمع ديما البنت هيه المدانه فيه
اكيد احنا لينا دور
smraa alnil
اه والله ياإنجي
مين يقدر يحمي نفسه
معلش يا حاجه معنا ربنا
ربنا يرحمنا برحمته
gohayna
بصي ياجي جي
لما توصل للبشر الموضع مختلف
فيه حجات كتير خربانه في البلد ديه
موصلات وشغل وو
لكن لما توصل لبشر من لحم ودم
يبقى ايه الي هيحصل تاني
ناس تخرج من البيت ومش عارفه هترجع ولا لا
ناس خوفها يخليهم يقتلو ولدهم
بجد
ربنا يرحمنا برحمته
مش مستهله اعتذار انتي تيجي في اي وقت
ربنا معاكي
sendbad
بجد مش عارفه اقولك ايه
هنعمل ايه قدرنا
Lemonada
اكيد كل واحد بيتولد ومعاه رزقه
واكيد برضه الي احناعايشينه النهرده
وتشبيه القطط انا كمان حساه مؤلم اوي
لما
خوفنا يتحول لخوف قطه بتاكل ولدها
مش في إيدها اي حاجه تقدر تحميهم بيها
غير سننها
خوف ممزوج بدم
وفعلا حسبي الله ونعم الوكيل
مريم
فعلا مشكله حلها صعب اوي
مش مشكله ام وبنت
مشكله نظرت مجتمع
مش هيرحم ومش هيفهم
اكيد هتكون محتاجه لتأهيل نفسي علشان تقدر تستحمل كل الضغط الي عليها
هيه مش مستوعبه المسرحيه الي حوليها
دلوقتي
لما تكبر وتكبر بنتها معاها
هيكون الوضع اسوء
ربنا يقويها ويصبرها
قمة الالم
والتجني
كراكيب عادل
فعلا شئ مؤلم اوي
Post a Comment