ليه سنين محستش بيها جويا
ليه كتير معقبها وحرمها من الي بتحبه
بس اليومين دول بحاول
اصلحها بيشيكولاته
وعروسه باربي بفستان ازرق
ومصاصه بالكولا
ولكلوك فرو عليه ارنوب بيضحك
وقصص ميكي ماوس
وسنويت والمكتبه الخضراء
وكتب الالوان سحريه اول ماتعدي الفرشه الالوان تظره
وفيلم كارتون لتوم وجيلي
والسنافر
وطبق كريم كراميل كبببببير
ولبان سحري بيعمل باللين
وزبده كاكاو بالفروله علشان اللون:)
بحاول افرحها
عايزها ترجع تضحك وتحبني زي زمان
مش عايزها تهرب مني وتقفل عليها جويا
عايزه ترجع تضحك وهيه بتبص من عنيا
