مياه وهواء
وناس تعرفهم
وناس متعرفهمش بس عايزنك مبسوط
وفيروز بتغني شايف البحر شو كبير؟
شجر
وجري
وبحر قادر على احتضانك بكل متناقضاتك
قولت لاصحبتي الحبيبيه مليش مزاج للسفر
لقيت نفسي في المعموره
:)
بجد على الرغم انه كان يوم طويل اوي بداء الساعه5
وخلص الساعه تلاته من اليوم التاني
بس كان جميل اوي
ديما مكنتش بحب اخرج مع صحاب صحابي
ياعني من باب اني مش بحب افرض حدودي على حد
وكمان مش بحب جو رحلات الموظفين
ويمكن برضه مشكله عندي ان محيطي ضيق حبتين
بس احساس حلو
انك تحس ان ناس اول مره يشفوك
ومش عايزن اي حاجه غير انهم يحسوك مبسوط وبتضحك
وتحسهم عرفينك من كتر ماصحابك بيتكلمو عنك
وانته عارفهم برضه
وعارف تفصيل حيتهم الي بتتنقلك
ناس موجودين في حياتك وانته موجود في حياتهم
بس بصوره غير مرئيه
انا ضحكت ضحك يمكن ليا سنين مش ضحكته
تعبتهم اوي من كتر اللف
بس ازي ياعني اروح اسكندريه ومروحش المكتبه
وخالد ابن الوليد والمنتزه وكبري ستلي
وبير مسعود
وكنت حساهم عندهم استعداد كبير انهم يدوني لاي حد ماشي لما قولتلهم
انتم تعرفو كوم الشقافه ده فييييييييين
ده وحده صحبتي بتقولي المعمار فيه حلو اوي
والسؤال التقليدي
ايه انتي عايزه تروحي
ياعني
:)
روحنا
بس مش قعدنا كتير
روحنا بسرعه علشان نلحق نرجع المعموره
وفي الطريق كنا هنعمل وحوالي حدثتين
الدنيا زحمه اوي بس مكنتش حسه بكده
يمكن فيروز عمله جو مع البحر يجنن
وصلنا المعموره في زمان قياسي
وركبنا باص الرحلة للقاهره
بس الغريبه
إن اول مابتدينا ندخل القاهره
الوشوش اتغيرت
يمكن الجو خنق حبتين
ويمكن القاهره بقت
بتخنق
بس في المجمل
رحلات الهروب ديه بتفرق في النفسويه اوي
:))
13 comments:
هنياااالك يا ست دينـــا
أوعدنــا ياااارب
من ساعة ما الحر بدأ يدخل، وأنا عاوز أروح اسكندرية
تحياتي، ولصحاب صحابك،
القاهرة تخنق فعلاً !!!، مش عارف بنحبها ليه برضو ؟؟؟؟
مدونتك جميلة و القلب الابيض اللي على اليمين ده عاجبني قوي
لما تيجي رايحة تاني ابقى قوليلي علشان اجي اهرب معاكي
تحياتي
والله عين العقل يابنتي بس هو يعني لازم تصيحي لنفسك في المنطقة اهو البلوجرز كلهم عاوزين يطلعوا معاكي وانا كمان ولازم اقعد جنب السواق هه بقي
ههههههههههه انتي فاكرة كل الناس عنهم صحاب امامير بياخدوا صحابهم معاهم اسكندرية ؟ لا ياماما لا دلوقت الصاحب ييجي رايح اسكندرية يقول لصاحبه يستناه في موقف راس البر
الدنيا بقت صعبة اوي
سيبك انتي المهم انك اتبسطتي وعملتي ريفريش وترجعي بقي لحياتك وتستكنيصي كده
الله يطمنك يا روح الروح
انا جاية بت ام عز الجمعة الجاية وقد تأكد لى انها خنيقة
مش مهم بقى انا هعمل لجوء عند الحسين وارجع لجنتى الصغيرة
نورتينا الحبة دول
محتاجين من وقت للتاني نهرب من الدنيا ومن نفسنا
يارب تكوني انبسطتي وربنا مايحرمك من ضحكتك طول العمر
سلامي ليكي وكل الود
حمد الله على السلامة
ياريت كل واحد يقدر يهرب اسكندرية
اتمنالك نفسوية عالية على الدوام
وناس نفسهم يسعدوكي وبس
تحياتي
غراب
وعليكم السلام ورحمه الله وبركاته
فعلا اي تغير تحت اي مسمى بيفرق في النفسيه
:)
ويارب يجعل ايامك انته كمان كلها خير
إبـراهيم ... معـايــا
قدرنا بقى نفضل نحبها
حتى لو هيه مش حبنا
:)
Sampateek
الانتي الأجمل
اذكان علىالقلب الابيض خديه مش يغلى عليكي
:)
وبالنسبه للهروب انتي تشرفي وتنوري
دكتور مستكنيص
معلش صيحت لنفسي
:)
وبعدين عايز تعد جنب السواق علشان تاخد الميكرفون وتعد تغني طول السكه
تؤتؤ
كان غيرك اشطر
:))
مريم
ربنا معاكي يارب
ويبقى هروب سعيد
:)
tota
ربنا يخليكي ياقمر
فعلا احنا بنحتاج نبعد علشان تلاقي نفسنا
:)
وربنا مايحرمك انتي كمان من كل حاجه حلوه
مصطفى السيد سمير
اكيد كلنا بنقدر بس المشكله مش بناخد بالنا
اتمنى ليك انته كمان نفسويه سعيده
:)
Post a Comment