صداقه

اول مره اعارف ان النهرده يوم الصداقه العالمي

انتمتي العزيز1 بعتتلي ماستج تقولي كل سنه واحنا صحاب

وانتمتي2برضه بعتتلي نفس الماستج

كتير بستغرب نفسي في حياة الي حوليا

وخصوصا صحابي اكتر ناس في العالم بيستحملوني

من كام يوم كانت صحبتي عايزني افتح الميل بتعها علشان

كانت مستنيه ميل مهم والكمبيوتر بتاعها باظ

لقيت حد من صحبها في الشغل اون لاين

فبيكلمني على اساس اني هيه قولتله لا انا مش هيه

قالي يبقى انتي دينا

استغربت إن حد مش شفني

غير مره وعارف اني ممكن افتح ميلها وأكلم صحبها

لما اعت افكر لقيت نفسي معايا باسوردات كل صحابي

كل وحده بتديني الميل والباسورد

الكريدت كارت بتاعت صحبتي معايا رقمها

حتى اي حد من صحابي بيحب وبيرتبط بيدخلني معاه جوه ديرته

خطيب صحبتي كلمني من كام يوم وبيقول انه بيغير مني

قالي اناعمري ماشوفت بنت بتشكر في بنت زي مانتم بتشكرو في بعض

يمكن علشان

الحياه بنا مفيهاش نقط صراع خالص

عمرنا مازعلنا من بعض علشان احنا فهمين بعض اوي

رغم اننا مختلفين اوي اوي

بس كل حد بيحترم

مساحه الأختلاف الي في التاني و يمكن بنحاول نلاقي جزر نلقتي فيها

ياعني مثلا

m

انتمتي من 9 سنين

احنا مختلفين في حجات كتير ورغم كده بحسها اقرب حد لقلبي

بتتفهم لخبطي كتير

بحسها حد منظم جدا

بيهتم بكل تفصيله فيه

يمكن علشان هيه من عيله صوفيه بحسها شفافه اوي

و

ديما بتحسسني انها هتروح اجتماع في رئاسة الجمهوريه

بالبدله الفورمل والكعب العالي الي حولت اخدها منه وانزلها معايا الأرض الفلات

بس فشلت فشل زريع

ليها فاتره كل ماتشوفني تقولي هو احنا مش نوين نكبر ونعقل بقى

زي البنات

اقولها هو احنا مجنين احنا عقلين بس الي حولينا هما المجنين

وديه مشكلتهم هما

وردها الفوري ان الكتب لحست دماغي

D

انتمتي من 8 سنين

وكاتمة اسراري ديه يمكن الوحيده في صحابي الي ليها في جو الكتابه

وبتحب تقراء اوي ديما بتبهرني اني اي كتاب بدور عليه بلقيها عارفه

بحسها عندها استعداد لأي حاجه مجنونه

بحسها فهماني اوي.

يمكن ديه الوحديه الي بستغرب من طريقه كلامي معها

لينا طريقه كلام مختلف عن كل صحابي

لزمات وضحك وكلام بنات ونم

يمكن ديه الي ممكن اتكلم معها كده مش عارفه ليه

N

ديه انتمني من 12 سنه

بحبها اوي بحسها حد ابيض اوي

ديما بتبذل مجهود علشان توصلي

اني احسن حد عرفته في حيتها

رغم ان ديما ببقى مش محتاجه منها انها تقولي كده

بس برضه برتاح اوي لما تقولي كده بحس نفسي مبسوطه

بفرح لما حد بيقولي اني حد كويس

مش عارفه ليه برضه

يمكن علشان انا شكه في الموضع ده

جايز

باقي مين

N2

انتمتي من 10 سني

ديه بحب فيها انها ضدي بحسها قويه اوي

مفيش حاجه بتكسرها

هيه بتبين لكل الناس انها كده يمكن حسه ان الضعف حاجه مش صح

رغم جوها طيب اوي وحنين اوي وجدع اوي

اليومين دول بقولها اني بقيت شبها مبقتش هشه زي زمان

بقيت اصلب على الأقل من بره

في طبقه اتكونت مش عارفه جت منين

حتى ماما بتقولي كده

N3

البنوته ديه بشوف مساحات مني عندها رغم انها اقوى مني كتير

سفرت وسابت اهلها علشان تشتغل وتدرس الي بتحبه

كل مكلمها تعد تقنعني بالسفر

واكتشفت اليومين دول

اني مش خايفه من الغربه علشان انا اصلا عايشه فيها

بس احساسي اني لوحدي في بلد غريب صعب

يمكن اعمل الخطوه ديه كمان كام سنه

وممكن كمان كام شهر

فرحت ليها اوي امبارح كانت بتقراء فتحتها على النت

ماأهلها في بلد وهيه في بلد

حسيت ان الموضع غريب بس اهم حاجه انها تكون مبسوطه

وقليل من الجنان مش هيضر

مين تاني

m

اخوية العزيز اووي على قلبي

بيحس بيا جدا

بضحك اوي لما ببقى مخنوقه ولقيه يتصل يقولي مالك يابنتي

فيكي ايه مزجاتك مش تمام

يمكن ده مساحات الجنان بتعتنا كتير بتبقى وحده

نفس اللخبطه

يمكن الميزان كلهم كده

ربنا يوفقو يااااااااااااااااارب

ويمشيله الفيلم

ال هند

.

.

.

ي

علي خير

معلش يامبثوت القفيه حكمت بقى

n4

صحبتي الافتراضيه السوداويه زي بالظبط

ديه شبهي بحب اعد ألك معها في اي كلام

كلمها بيحسسني اني مش لوحدي

رغم اني مش عارفها من زمان

بس كتير بحس نفسي عايزه اكلمها

وضحك معها وضحكها

m

صحبتي الافتراضيه الجميله

بحبها اوي برضه بحسها حد طيب

بشوف فيها نفسي زمان

حنينه وتحس انها عندها استعداد تعيط معاك

حتى من غير ماتعرف انته بتعيط ليه

وده الي كتير بحسه محتاجه في صحابي

وده الي يمكن مخلينا مستمرين

احساسك انهم هيعملو معاك اي جنان من غير مايسألوك

ليه علشان هما فهمينك

حبين عيوبك ابل مميزاتك

يمكن مشكلتي اني بحب أهرب اوي

ونادرا مابلاقي حد يفهم ده فيه

يمكن هما مش فهموني و بس هما اتعودو كمان اني موجوده ومش موجوده

لما ببعد بلقيهم جنبي بيكونو عارفين انا فين

مش محتاجه معاهم اني اشرح طريقي فين

واعد ارسم خريطه وانسى ديما احط مفتحها

علشان الي بيحتاج خريطه توصله

عمروه ماهيوصل

يبقى مالهاش لزمه احط مفتاح خريطه

يمكن بحب اسيب

سبب يقنع بيه نفسه انه مش وصل

علشان الخريطه كانت من غير مفتاح

بضحك اوي من نفسي لما برسم خريطه لحد

واعد اللون الشوارع والبيوت

وانا عارفه انه

مش هيوصل