حزن القعده في شباك اوضتك ومراقبه الشموع وهيا بتسيح بقى موديل قديم
كلاسيكي الدنيا اتغيرت بعد اذنك والنقطه اللي انتي واقفه عندها مجرد اصداء من زمن الفن الجميل
وستايلك في الحزن مايلقش بجبل زيك خلاص استوى وبقى عارف ان الحزن في كل حته الحزن اسهل من كده بكتير
باكلمك بجرأه زياده؟
لازم اكون جرئ وانا بكلم تسعين واحده في بعض ضعيفه قدام الجمال بتدخني على خفيف كرامتك عندك بالدنيا وفي كل
شله بنات كنتي دايما البنت المنزويه عارفه ان الناس بتتابعك باستغراب
ودا سر سعادتك ومبدأ ثقتك في نفسك ماحدش فاهمك بسهوله
رومانسيه زي مشهد ستات عواجيز بياخدوا شاي الصبح
بدري في جنينه دار
المسنين عدوانيه..زي المجاذيب الطيبين كئيبه زي النص التاني من فيلم حبيبي دائما
وعنيده زي السفينه تيتانيك
وثقتك في نفسك ماتقلش عن ثقه الزعيم في بقيه افراد العصابه الجنس عندك مرتبط بالحب وسعاده البشريه همك العام متردده زي المراجيح ومذعوره زي سرب غزلان
صريحه زي ساعه الجامعه والواحد يقلق منك..قلقه وهو داخل حاره سد
كامل حنانك في كامل اكتئابك بتبصي لنفسك في المرايه كتير
وتديها ضهرك بغروروتنامي تحلمي انك بتشربي النسكافيه في مج مشروخ وكل ما تبصي لقدام تكتشفي انك ممكن تبيعي حياتك كله ابتذكره طيران
ممكن اللي فات دا يكون صحيح بنسبه 75%بس دي نسبه قليله
بعد قعدتين كل واحده خمس دقايق
وخمس مكالمات كل واحده خمس دقايق بس عارفك زي ما انا عارف كويس
انه مافيش حد يقدر يستفزني
الا لو كان شبهي دا حب ولا كره؟؟؟؟
سؤال واجابته سهله جدا...زي سيوف الساموراي
عمرطاهرررر
ديما بختم بيك
:))
2 comments:
عودٌ منور يا بنّور :)
يااااااتوته يا جامده
عرفت ارجع الباسورد
رغم اني مكنتش عايزه اكتب تاني هنا
بس قولت يالا بقى
:))
Post a Comment