مش عرفه طلبه معايا اكتب بوست عن ذكريات الطفوله
يمكن علشان قريت من شويه حاجه اعادت ليه ذكريات
من 16/17/18 سنه كده لما كنت طفله كانت ماما الله يمسيها بالخير
تقولى ايه لزم تكلي الطبق لحد اخر معلقه علشان الطبق يدعيلك
وبصفتى كنت طفله مطيععععععععععه موت
كنت بسمع الكلام ديماااااا
ولما كبرت شويه قالولى لزم تكلى الطبق لاخر حاجه فيه علشان البركه
انتى مش عرفه هتكون فين ممكن حبه رز من الرز الى سبتيه يكون فيه البركه
وكنت ديما برضه باكل الطبق علشان الطبق يدعيلى وانجح
ويكون معايا فلوس اشترى الحجات الحلوه طفله بقى
لكن ان الطبق يبقى فى اخره فلوس ده كان حلم يراود ني منذو نعومه اظفارى ياااااااااااااااااااه
لكن ان اشوف الحلم بتاع الطفوله المشرده بتاعتى واقع يتجسد امامى
ده كان غريب شويه وكمان يتحقق بعد 18 سنه
مش ليه اكيد علشان متفهموش غلط انا بلا فخر منحوسه
ده اتحقق لبنت فى الجيزه كانت بتاكل اول امبارح الوجبه المدرسيه الى بيوزعوها فى المدارس ديه
والى اضحك علينا فيها ومكنتش على ايا منا
لقت البنت ديه ايه لقت عمله فلوس ياعنى
طبعا خبر زى ده انتشر فى المدرسه كلها
ياعنى بحكم انهم كانو زمان بيطلعو اوشاعات مغرضه
عن الوجبات ديه انها بتجيب بعيد عن السمعين تسمم وكده يعنى
المهم مش عيزن نخرج عن طبق الموضع قصدى لب الموضع
راحت البنت المسكينه ديه بحسن نيه تقول للمدرسه انها لقت عمله فى الوجبه وهيه بتكلها
وسبحانه الله كانت برضه فكرها جايزه التفكير واحد ياناس
راحت المدرسه بصت فى العمله وفوجات انها عمله ايه بقى ركزو معايا عملت اسرائيل
ههههههههههههههههههههههه
وطبعا احنا من مؤسسين نظريه المؤامره
ايه الى يجب عمله اسرائيل لوجبه الى بتوزعها وزاره التربيه والتعليم المصريه ده السؤال
يطرح نفسه
يمكن بيطبعو جايز برضيك
وطلع نائب امبارح كده فى مجلس الشعب وعرض الموضع
بس بقى عملو فيلم هندى وقال ايه شكين اذا كانت العمله ديه عمله اسرائيل ولا عمله الهند
يسلام فيلم هندى هندى مفيش كلام
ياعنى مش باين اذاكان هندى ولا اسرائيلى
عيزن يضحكو على الطفله الغلابانه
عيزن يضحكو على الطفله الغلابانه
وطلع سرور مشكور ينادي بضروره الكشف عن العمله للتحقق اذا كانت اسرائيلى ولا هندي
بس انا بقول والله اعلم ياعنى ممكن اسرائيل حبت تمتص الغضب الشعبى بعد موضع الأسرى
والشريط الى هماااااااااااااااااااااا عرضوه عن قتلهم الاسرى المصرين
وقالت ان الشعب المصرى همه على بطنه ديما فقالت تعوض بقى الشعب
يمكن يجماعه شكين فى الحكومه وخيفين انها تاخد التعويضات ديه فقالو منهم للشعب عدل
بس السؤال الى يطرح نفسه لامؤخذه يعنى هما هيوزعو التعويضات ديه ازاى
انا بقول الخطه الجايه هتكون فى العيش ابو شلن
بس ده مين بيكله دلوقتى؟؟
مممممممممممممممممممممممممممممممممم
مش عرفه بقى الى يعرف يبقى يقولى
مش عيزه يضحك عليا تانى
كفايااااااااااااااااااااااااااااااااااا
على فكره موضع العمله بجد وتقدم بيه النائب عماد الجلده اول امبارح
مش دعبه:)))))
33 comments:
تحياتى
ذكريات المضى مرآة المستقبل
انا كمان ماما كانت بتقولي زمان , اني لو سبت ورايا اكل حيجري ورايا يوم القيامة
حتى الآن بقول الكلمة دي لصاحباتي الي بيعملو فيها ال يعني شبعو وعايزين يرمو نص الاكل في الزبالة
ده الاكل ده نعمة ربنا
انما ان توصل بيهم بالاستهتار بالاكل لدرجة انهم يوسخوه مش بس بالمعدن بتاع العملة , لأ كمان انها عملة اسرائيل
شيكل في الاكل !!
لا حول ولا قوة الا بالله
any way
شكرا جزيلا على المعايدة :) كل سنة وانتي طيبة وبالصحة والسلامة
تحياتي
لا حول و لا قوه الا بالله و الله موضوع مستفز بجد مش كفايه عليهم المبيدات و الكيماوى و البذور اللى هرونا بيها .. لأ و رايحين كمان يجيبوا بسكوت المدارس اللى العيال بتاكله
أخص عليا هوه انا كده بفترى عليهم
الموضوع و ما فيه ان كان فيه ازمه فى الشلنات و البرايز المصريه فشحتوا لينا شويه فلوس فكه منهم
اه ان كان كده اوك
عواف عليكم
ممكن له مليار سبب
بس المشكله اللى هنألفها ونعيش فيها هى ازاى دا حصل ؟؟
مش مشكله ومفيهاش اى ضرر المهم ازاى مجلس الشعب الموقر طلع ميقدرش يفرق بين العمله اليهوديه والهندية .. ولو يهوديه بعد ميكتشف هيعمل ايه .. مين اللى هيتحاسب .. طب ويتحاسب ليه ايه التهمه .. وهل فعلا لو فى تهمة هيتحاسب .. سيبك الموضوع داخل فبعضة ومن كل ناحية اللى ماسكينها يستحقو الشنق
حلوه الطفولة .. برائه مفقوده فعالم قاسى
خالص مودتى
أنا فهمت الموضوع غلط خالص
البنت يمكن تكون كسبت العمله دي في الوجبه المدرسيه
جايزه يعني
ايه المؤامره اللي فيها
تحمد ربنا وتغير العمله من اي بنك
ههههههههههههههههه
ضحكتيني علي المسا
تحياتي
هههههه
يعني انت كلبوزة بسبب موضوع مسح الطبق دي ما علينا
يعني الحكومة غلبت معاكم تحط لكم مسامير في العيش تزعلوا
يحطولكم فلوس في الاكل تزعلوا
اية عايزين اية يحطولكم في كل رغيف اوضة صالون مدهب
عاشت الحكومة و احنا مش مهم
--
كلبوزة بتعمل الف حساب للسيد المخبر
و ميت مسا على الناس الكويسة
فكرة البوست جميلة..... خيط فكاهي حلو مشيتي وراه علشان في النهاية تعبري عن فكرة سياسية جواكي
عموما مادام المكسب المرحلة الجاية في العيش أبو شلن.....يبقي ربنا يعوض علينا وبرضه هينضحك عليكي وعلينا...ويابخت اللي في بالي
وبرضه ماتنسيش تكملي الطبق للاّخر علشان الفكة...يووووووووووه قصدي البركة
فكرتينى بطفولتى احسن مرحلة فى حياة الانسان
تصدقى انا لغاية دلوقتى ماما بتقولى خلصى طبقك
انا اعتقد انو هدف اسرائيل من هالقصة يا عزيزيتي هو بث الضغينةوالحسد والحقد بين ابناء الامة العربية المصريين والفلسطينين
لاني انا شخصيا حقدت على البنت
اكل مجاني وكماااان في فلوس
وشواكل بقا العملة الي ماشية عندنا في غزة
خصوصا في ظل عدم صرف رواتبنا من سنة فاتت
هههههههههههههههههههههه
ده البلد هتهيص اشاعات علي الموضوع ده لما تقول يا بس
اصل احنا بلد نموت في الحاجات العجيبه اللي نتلهي فيها و خلاص
اما انا ماما كانت بتقولي لو مخلصتيش طبقك الأكل هيجي يوم القيامه يدعي عيليكي
و انا كنت بقعد اخيل رزايه مثلا ماشيه علي رجليها تقول منك لله يا كوكو ربنا ينتقم منك
lol
:)
awlan bedaya 7elwa awy lel mawdo3 .. sanyan enty ba2a 3asula gedan w tre2tek fel 3ard gamila.. w nice post
w 3ala fkra :D ana 3ayza fakka salaf (A)
انا عايز احط كومنت من زمان بس مكنتش عارف
وبصي يابنت الناس انا معنديش تعليق علي اللي بيحصل ده لو حقيقي لاني زهقت
خلينا في الحلو بتاع الموضوع فترة الطفولة
محدش يااخواننا يشغلنا اغنيه هشام عباس بتاعة زمان وانا صغير
يالا ...نحمد ربنا حتي اننا مفقدناش الذاكرة ولسه جوانا زكريات طفولة حلوة نفتكرها لكن بليز بلاش تخلطي الزكريات الحلوة للطفولة بسذاجتها وبراءتها باللي بيحصل دلوقتي متبقيش زي اللي بيحط الملح علي الكريمة
تحياتي يامحض
ابو أمل
ديما الماضى هو الى بيدى ضمنات لمستقبلنا
وتحياتى على الكلامات الموجزه المعبره
علا
هلا والله با اهل غزه
اخير شرفتينى
وجيه على حظك اليهود وراكى وراكى حتى هنا
اه يا بنتى شوفتى الشيكل جيه عنيدنا
علشان تعرفو المرتبات بتعتكم الى مش بتقبضوها بتروح فين
وكل سنه وانتى طيوبه
:)
عاشق الروح
الله يعفيك
هيه فعلا ازمه فكه مختش بالك من اعلان فدافون الجديد بيحولو يحلو الازمه بكل الطرق والكبارى
:)
FrEe.PhArAoH
اه تصور مش عرفين يفرقو هما شكلهم بينى وبينك كده
طمعو فى الفلوس بتاعت البنت
فعملو الفيلم ده
قال هندى قال
وتحياتى يافندم على الزياره
مجهول
هههههههههههه
اه شكلك فهمت الموضع غلط
والله حسه انك كنت بتقراء فى بلوج تانى اصلا
بس لو طلعلى العمله اكيد هحمد ربنا وهعمل بنصحتك
وهغيرها ولا من شاف ولا من دري
:)
سمبتيك
كلبوظه ايه بس لا اصل انتى مش وخده بالك
مانا بطلت اكل رز اصلا
وبالنسبه للحكومه بعيد عنك شعب فقرى
مش عارف مصلحته فين
حكومه بدلع شعبها
بس تقولى ايه
ربنا يصبرهم علينا
ومين ياختشى ما بيعملش حساب
ربنا يبعدنا عنهم ويبعدهم عننا
:)
قصاقيص
وحشتينى يا مي
اه يابخت الى فى بالك
بس هو مين بقى الى في بالك
:)
Ma-3lina
وتصوري انا كمان ماما بتقولى كده
يعجبنى فى امهتنا انهم من النوع الفطين
وتحياتى يا جميل
:)
المنفى
اهلا بيك
برضه اليهود وراك وراك
وعلشان تعرف برضه الرواتب بتعتكم بتروح فين
:)
وشكرا على مرورك
koukawy
اه احنا اصلا بلد اوشعات
ياختشى خلى الناس تهيص شويه هيبقى من كله
وموضوع الرز ده انا كنت برضه باحلم الاحلام ديه
متفكرتيش الحمدالله
:)
وشكرا على الزياره
احمد ندا
:)
:)
شكرا
~ Bato0ot
مرسى ياجميل على كلامك كلك ذوق
وبالنسبه لموضع الفكه اوعدك ياختشى لو ربنا فتحها عليا اكيد هفتكرك
بس برضه دوري فى حته تانيه
اصل انا منحوسه
:)
دكتور مستكنيس
وانا كمان بحب الاغنيه ديه اوى
وكويس ايه بس اننا قدرين نفتكر يابنى انا عندي زهيمر بس سبحان الله اول ماكتبت البوست افتكرت
وكويس انك فكرتنى اوجه شكر
للحكومه الى بتساعد الشعب على البراء من الامراض المستعصيه زى الزهيمر
:(
عزيزتى
طبعا يا بختك فى ناس بيقسموا الطبق على عيالهم وبيتمنوا يبقالهم شويه منه
يا بختك يا ستى حد يلاقى دلع و ميدلعش
والعمله دى لو اسرائيلى تفتكرى اسرائيل هتسكت دى تقلب الدنيا ويمكن تهجم على مصر لاسترداد العمله الاسيره
سلاااااااااااااااام
لو جات علي العملة يكون هين
معتقدش توقف علي كدة
معقولة تكون كدة ؟؟
صعب
طيب لية من اصلة ومين الي بيدخل الحجات دي لاولادنا
مش عارف ؟؟
انتوا عارفين؟؟
عزيزتي محض الروح
رحعني البوست بتاعك لايام زمان
الظاهر كل اطفال مصر كانوا بياكلوا
عشان الطبق يدعيلهم هههههههههه
بس موضوع العملة الفي الوجبة المدرسية دي غريبة بجد
الاغرب ان لسة فية مدارس بتوزع واجبة
شكرا لفكرة البوست الجميلة
تحياتي لك
Hosam
وهو ده الى انا كنت خيقه منه ممكن تعمل حرب
زى بتاعت لبنان لاسترداد العمله
انته بتتعامل مع يهود
:)
كراكيب عادل
مش عرفه
وبتهيقلى مفيش حد هيعرف
علشان احنا مش حبين نعرف
علشان حتى لو عرفنا مش هنعمل حاجه
يبقى ايه قله المعرفه
احسن
:)
الزعيمه
اه تصورى ان لسه فى مدارس بتوزع الوجبات
وشكرا ياجميل
:)
أهم من ده كله هما ادوا للبنت اللى لقت العمله قيمتها بالمصرى او حتى ا 10% بتوعها ولا اسعبطوا عليها
فعلا الموضوع حقيقى ولا تتعجبى فهن ف ىمصر مصنع ملابس اسرائيلى
Post a Comment