الدنيا ربيع

وفى موجه غريبه من الاكتئاب تجتاح الجميع مش عرفه فى ايه

يمكن حاجه فى الميه تفتكرو؟؟؟

بس ايه بقى الى هيخلى شباب زى الورد يكتـئبوا

على رائ وحد ا كده شوفته فى التلفزيون امبارح

كان نفسى أتصل واقوله هتلى سبب واحد ميخليش فيه اكتئاب والله كنت حسه انه لسه نازل من المريخ حالا حتى ملحقش ركن الطبق الطاير

علشان كان مستعجل اوى وهو بيتكلم فقولت اكيد راكن صف تانى وخايف لحسن يتكلبش ولا حاجه ويعد بقى يلف على العسكرى علشان يفك الكلابشات وهو يحرام مش فاضى هيروح يرغى فى كام برنامج تانى قبل ما يروح يدى محضرته فى جامعه المريخ الدوليه

والى غيظنى كمان المذيعه الى كانت معها قال ايه الدنيا ربيع والربيع داخل

ولازم نغير الأ لوان الى بنلبسها علشان التغير يبقى كلى من جوه ومن بره

كنت عيزه اقولها روحى يالا مع الى انتى تحفانه بيه ده عملين كارنفال فى المريخ

والناس هناك بتلبس روز وابيض زى مانتى عيزه بالظبط

قال ايه الالون بتغير النفسيه

ياعنى مفروض الناس تلبس ابيض فى ابيض هيه اول مقالت كده تاكدت انها مش من هنا اساسى طبعا

ده الواحد بيلبس اسود ويطلع الشارع يرجع لبس رمادى

حتى الواحد بقى يشك فى نفسه قال ايه القموره عيزانا نلبس ابيض

تخيل بقى لبس ابيض ونازل من بيتكم كده وبتغنى الدنيا ربيع والجو بديع

روحت علشان توقف تاكسى ملقتش اولت تركب ميكروباص

السواق غلس عليك واصر انك تعد ورى قال ايه اربعه ورا وانته طبعا بتغنى الدنيا ربيع

مش هتقف على الصغائر ديه

تتحشر وسط الناس تدى للسواق الفلوس يقولك معلش يا استاذ

الفلوس ديه مش بتتصرف

ليه ياحج مقطوعه ترد انته مانا وخده من سواق قبلك

لا يا حج متمشيش معايا ايه انته اضحك عليك وفاكر كل الناس زيك

تعمل ايه بقى مالدنيا ربيع تديله غيرها وتنزل

عاتى تروح الشغل والابتسامه على وشك تلقى المدير

اتاخرت ليه مش عارف ان فيه موعيد ولا فاكر ديه العزبه بتاعت السيد الولاد

خد يومين خصم علشان بعد كده ماتتاخرش

طبعا مينفعش تزعل خالص

انته نسيت ان الجو بديع والدنيا ربيع

تطحن فى الشغل ناس دخله وناس خارجه ومفروض منك بقى يا جميل انك

تبتسم فى وش الناس البيه الوزير قال كده

ومينفعش تكسرليه كلمه اشمعنى الكلمه ديه الى هتكسرها

مانته طول عمرك ساكت هتتكلم دلوقتى

يجى على بالك تاكل حاجه حظك بقى تجيب سندوتش طعاميه ومفرقات

القدرك تلاقيه ملفوف فى ورقه جرنان وحظك جيه على صفحه شئون عربيه

انفجار فى تكريت ومات 30 واحد

والشيعه والسنه مبهدلين بعض

وتبص يمين كده تلاقى استمرار الحفر تحت المسجد الاقصى

تبص تانى وتقول لنفسك المسجد الاقصى طب ده بيحفرو تحتيه ليه

مانته يابشا بقالك كتير مقاطع الجرايد

علشان الدنيا ربيع ومش عايز تغير الجو الى انته فيه

تقول لنفسك ايه ممكن يهدو المسجد الاقصى

طيب وحكام العرب هيعملو ايه

تقول لنفسك اكيد يحرام تعبين نفسهم فى تحضير بيت شعر

علشان ينعو بيه المسجد الاقصى يوم مايتهد

ايه اسرائيل تانى قال ايه مش عيزه تقارير عن الحرب الى عملتها

على حزب الله وطبعا مين يقدر يقول لا مفيش تقارير مفيش

ايه هو احنا قدهم

تبص تحت تلاقى خبر مقتل 22 فى تحطم طائره الإندونيسيه

تقول لنفسك بلاش كفايا كده

خلينا فى المحلى تلاقى خبر اعتقال رجال اعمال الاخوان المسلمين

ومصادره امولهم وانته طبعا مش فاهم هما عملو فيهم كده ليه

ولا عندك استعداد انك تفهم الموضع مش ناقص كئابه

تبص كده تلاقى الجسوس الى قبضو عليه الى اعدو

خمس سنين بيرقبوه

وتقول لنفسك هو ده الشغل ولا بلاش

بس تلفت نظرك الصوره ده بيعمل بايده علمه نصر

نصر ايه العبيط ده هو مش عارف انه جاسوس

بس ايه هما بيحكموه محاكمه عاديه

وبتوع الاخوان محاكمه عسكريه

هو مين اخطر من مين

وتلاقى نفسك اتلخبط ومش فاهم ولا حاجه

وهو ده المطلوب ياعنى انته لو فهمت ايه الى هيحصل

تسب وتلعن بتاع الطعميه مهو السبب

حد قاله يلف الطعميه على صفحه

سياسه

تقول والله مانا واكل الطعميه ايه ده ده انته خت موقف

وزياده فى الحماس تحلف انك هتقاطع الطعميه مدى الحياه

يخلص معاد الشغل عايز تروح بقى تفتكر غلاسه سواق الميكروباص

تقول والله لركب المترو ويامسكين مش عارف المهمه الاتنحاريه الى انته مقدم عليها

اول ماتقف ادام باب المترو هتلقى نفسك بقيت جوه والمشكله انك مابتتحركش اصلا الناس الى حوليك هما

االى بيعملوالمطلوب عايز تنزل اه يامتفائل انته تعد تزعق ياجماعه انا نازل المحطه الجايه

تسمع بقى الاصوات من حوليك طيب مقربتش ليه من الباب مدام انته عارف انك نازل

وتحاول تفهمهم ان كل مالباب يتفتح بتلاقة نفسك فى اخر العربيه

يقلولك زق تخيل بقى انك تزق الناس ديه كلها عشان توصل للباب وبرضه متلحقش توصل للباب

هتعمل ايه بقى تنزل بعد المحطه الى انته كنت عيزها بمحطتين تلاته على احسن تقدير

طبعا كل ده وانته لبس ابيض

تنزل بقى ولا همك تقول اركب المتر الى راجع علشان ارجع المحطتين دول

واكيد المترو هيكون فاضى علشان كل الناس كانو مروحين

تروح تركب المترو علشان ترجع المحطه الى كان مفروض تنزلها

ههههههههههه

تلاقى نفسك بتتزق تانى والمشكله فى ايه انك خلاص مبقاش فيه صحه انك تزق ف تستسلم اللأمر الواقع

تلقى نفسك بقيت فى حلوان جبت اخر المترو يا جميل

تعمل ايه بقى تنزل من المترو وعايز تروح بتكم

علشان مفروض تصحى تانى يوم الساعه 6

علشان تروح الشغل بدرى مش انته لسه مخصوم منك النهرده يومين

واول امبارح يومين ياعنى كده ممكن تلاقى نفسك على اخر الشهر مديون لليهم كمان

قيس على كده كل حاجه من الشغل للبيت للمواصلات

سياسه ناس بيتقبض عليهم و ناس بتتقتل وناس بتتخطف

حب زى الهباب

وتقول لنفسك الدنيا ربيع

><

<>

><

<>

><

فعلا الدنيا ربيع على رائ الكائن الفضائى بتاع امبارح

والمذيعه

الى فكرونى هما الاتنين مش عرفه ليه

بصوره كائن بيكون موجود على احدى انواع الجبن

بيضحك على طول كده زيهم

هههههههههههههههههه

ابتسم ياعبيط

وشيل كل ده من دماغك هو انته اصلا فيك دماغ علشان تحط

البلاوى ديه فيها